1. GoldBerg (M) (142) [off]
|
TXT |
33| 10 Dec 2017, 12:45
Xullas internetdan qidirib copy qilib oldim
Седан
Седан — икки қатор тўлиқ ҳажмли (катта ёшли йўловчилар учун етарлича қулай бўлган) ўриндиқлар, салондан алоҳида бўлган юкхона ва орқа ойнада юқорига кўтариладиган эшиги бўлмаган енгил автомобиль кузови тури. Яхши таниш вакиллари — Nexia, Cobalt.
Хэтчбек
Хэтчбек – орқа ойнасида юқорига кўтариладиган эшик, орқа осмаси калта бўлган кузов тури. Яхши таниш вакили — Spark, Matiz.
Универсал
Универсал – орқа ойнасида эшиги ва салон билан бирлаштирилган юкхона ҳамда юкхона қопқоғи орқа қисмга қадар узайтирилган кузов тури. Энг сўнгги универсал кузовли автомобиллар — Chevrolet Corvette, Volvo V90, Fiat Tipo Estate.
Лифтбэк
Лифтбэк – седан, универсал ва хетчбек ўртасидаги тур. Хетчбэкдан орқа осмасининг узунлиги билан фарқ қилади: лифтбэкнинг орқа қисми седанники каби узун бўлади. Томнинг орқа қисми эса қия ва кам ҳолларда поғонасимон бўлиб, седанни эслатади. Яхши таниш вакиллари — LADA Granta.
Купе
Купе – икки эшикли енгил автомобиль кузови. Бир ёки икки қаторли ўриндиқлар, салонга туташмаган юкхона ҳамда орқа эшиксиз. Орқа йўловчилар бўлинмасининг ҳажми 0,93 м³дан ошмайди. Энг сўнгги тақдим этилган купе кузовли автомобиллар — Bentley Continental GT Speed, Chevrolet Camaro ZL1.
Кабриолет
Кабриолет – икки эшикли, юмшоқ ёки қаттиқ материалдан тайёрланадиган юқори қисми йиғилувчи енгил автомобиль кузови тури. Ўриндиқлар сони икки ёки ундан зиёд бўлиши мумкин. Энг сўнгги тақдим этилган кабриолет кузовли автомобиллар — Citroen E-Mehari, Mercedes-Benz C-Class.
Родстер
Родстер икки ўриндиқли томсиз ёки қаттиқ томли енгил спорт автомобили кузови тури. Кўп ҳолларда эшиклари бўлмайди. Яхши таниш вакиллари — Mazda MX-5, Mercedes-Benz SL.
Тарга
Тарга – 2 ўринли спорт автомобилига ўхшаш, том қисми олд ойналар билан, ўриндиқлари эса том ёки орқа орқа ойна билан мустаҳкам туташган кузов тури. Шунингдек, ўриндиқ орқасида roll bar – хавфсизлик дўғаси (ёйи) мавжуд.
Лимузин
Лимузин – ёпиқ кузов тури. Одатда ҳайдовчи ва салон ўртасида кўтариладиган ойна ўрнатилади. Кузов одатий седанга қараганда турли даражада узун бўлади.
Стретч
Стретч – ёпиқ кузов тури, олд ва орқа эшиклар ўртасида қўшимча жисмоний кесма мавжуд бўлиб, салонни узайтириш имконини беради.
Йўлтанламас
Йўлтанламас – ёпиқ автомобиль кузови тури. Ҳар қандай йўлда ёки махсус йўл қопламалари бўлмаган жойларда ҳам ҳаракатлана олади, ости қисми (клиранс) ердан анча баландда туради. Яхши таниш вакиллари — Toyota Prado.
Кроссовер
Кроссовер – ёпиқ автомобиль кузови тури. Йўлтанламас ва универсал ёки хетчбек хусусиятларини ўзида мужассамлаштиради. Яхши таниш вакиллари — Kaptiva.
Пикап
Пикап – икки ўриндиқли тижорий автомобиль кузови тури бўлиб, очиқ юк платформасига эга. Яхши таниш вакиллари — Nissan Titan, Chevrolet Colorado.
Фургон
Фургон – икки ўриндиқли тижорий автомобиль кузови тури. Ёпиқ юк платформасининг орқа деворига эшик ўрнатилади. Яхши таниш вакиллари — « Газел«, LADA Largus
Минивэн
Минивэн – ёпиқ автомобиль кузови тури бўлиб, салон юкхона билан қўшилиб кетган. Одатда — уч қатор ўриндиқ ўрнатилади. Салоннинг ички ҳажми кенгайтирилган. Салонга энг кўпи билан 8 киши жойлашади. Яхши таниш вакиллари — Orlando.
Вагон
Вагон – салон ичида ўтиш мумкин бўлган унча катта бўлмаган микроавтобусларда қўлланилувчи кузов тури. Унинг асосий ўзига хослиги юкхона ёки мотор учун алоҳида бўлинма мавжуд бўлмайди. Яхши таниш вакиллари — Damas