Internet tarmog'i foydalanuvchilari qanchalik bahslashmasin, baribir brauzerlarning hech birini to'liq ishonch bilan "eng yaxshi brauzer" deb atab bo'lmaydi. Bu xuddi « Real Madrid » yaxshimi, «Barselona»mi yoki «Manchester Yunayted»mi, degandek gap. Hammaning o'z qarashlari, o'zining o'lchov mezoni bor. Aslida maqsadimiz bu bahsga hakamlik qilish emas, balki har bir brauzerning yaxshi va yomon tomonlarini ko'rsatib o'tish. Hal qilish - o'zingizga havola.
«Ayni ko'ngildagidek brauzer»ni hamma har-xil tasavvur qiladi. Kimnidir sahifalarning ochilishi tezligi qiziqtirsa, kimgadir xavfsizlik muhimroq, boshqa birov esa, qo'shimcha funksiyalarga ishqiboz. Ana shu mezonlar b'yicha eng mashhur brauzerlarni ko'rib chiqamiz.

Internet Explorer 9 Bu Microsoft kompaniyasi mahsulotining eng so'nggi talqini. U qaysidir jihatlari bilan o'tmishdoshi - IE8ni eslatadi. Afzallik tomonlari qatorida yangi veb-standartlar bilan ishlay olishini aytishimiz mumkin. Bundan tashqari, u avvalgilariga qaraganda ancha chaqqonroq, ko'pgina qo'shimchalarga ega. Kamchiliklari - «tulbar» (brauzer yuqori qismidagi tugmachalar qatori)ning haddan ortiq kattaligi va sahifaning sekin yuklanishi. Brauzerning qo'shimcha xizmatlarga ega bo'lishi - bu juda yaxshi, lekin oddiy foydalanuvchini turli-tuman xizmatlardan ko'ra ko'proq tezlik qiziqtiradi. Qandaydir qidiruvchi dastur, veb-resurslarning to'plamlari kimga kerak? Albatta, Explorerning 7- talqini omadsiz chiqqach, Microsoft IE ustida qattiq ishladi. Lekin, ideal brauzer yaratishga hozircha erisha olmaganligi ko'rinib turibdi. Darvoqe, brauzerlarni o'rganish jarayonida g'aroyib statistikaga duch keldik: Internet Explorerdan foydalanayotganlarning yarmidan ortig'i Mozilla, Safari, Opera kabi dasturlar haqida umuman eshitmaganliklari tufayligina IEni ishlatib kelayotganliklari ma'lum bo'ldi. Ana sizga monopoliya!

Opera (10- talqin) Bu brauzerning dong'ini olamga taratgan jihat - uning katta tezlikda ishlashidir. Ammo, faqat tezlik bilan ish bitmaydi, demak Operani ham ideal deb bo'lmaydi. Turli qo'shimcha xizmatlarning mavjudligi, ajoyib dizayn ortida kechirib bo'lmas nuqsonlar yashirin - viruslar va xakerlar hujumlaridan himoya borasida ko'plab «tuynuk» va zaifliklar mavjud. Oddiy foydalanuvchi bu kamchiliklarni sezmasligi ham mumkin, brauzerning tezligi uni mahliyo etib qo'ygan bo'ladi. Statistikaga ko'ra, Opera muxlislari viruslar va boshqa noxushliklardan boshqalarga qaraganda ko'proq aziyat chekadilar. Tez, ammo ishonchiz - Opera brauzeriga shunday baho berishimiz mumkin.

Mozilla Firefox yoki «olovli tulki» Mozillaning eng asosiy afzalligi - uning kengayuvchanligidir. Oddiy veb-brazuer sanoqli daqiqalar ichida foydali dasturlarning butun boshli to'plamiga aylanishi mumkin. Afsuski, bu qo'shimchalarning har birini alohida-alohida o'rnatish kerak, bu esa, ancha noqulay. Opera kabi, bu brauzer ham bir qancha nuqsonlarga ega, jumladan, viruslar ta'siriga chalinuvchanlik va ba'zi muhim funksiyalarning yo'qligi achinarli.

Yuqorida keltirilgan brauzerlardan tashqari yana boshqa dasturlar ham bor, masalan, Apple Safari yoki Google Chrome. Kirill harflari yaxshi aks etmasligi (Apple Safari) va sahifalarni saqlashda xatoliklarga yo'l qo'yishi (Google Chrome) tufayli bu ikkisi bizda unchalik ommalashmagan.
Xulosamiz esa, shunday: eng ishonchli (IE9), eng tezkor (Opera) va eng ko'p qo'shimcha xizmatlarga ega (Mozilla Firefox)brauzerlarining barchasidan, vaziyat va oldinga qo'yilgan maqsaddan kelib chiqib foydalanish to'g'riroq bo'ladi.
Orqaga

www.qqtop.b9m.rubodr_top