Butunjahon tarmoqning oʻzbek segmenti soʻngi yillarda jadal oʻsib, boyib bormoqda. Bu jarayonning eng katta qismi kontent yaratishdan iboratligi sir emas. Yangilik saytlari, blog va mikrobloglar orqali internet tarmogʻida oʻzbek tilidagi maʼlumotlar hajmini kengaytirib bormoqdamiz.
Bu jarayondagi eng katta muammolardan biri yaratilayotgan kontentning imloviy sifatini taʼminlash boʻlib qolmoqda. Shu muammoni hal qilishga kamtarona hissa qoʻshish maqsadida yaratilgan savodxon.uz loyihasi kuni kecha dasturchilar uchun ommaviy API ishga tushirdi.
API bugun keng qoʻllanilayotgan REST API tizimlar qolipida ishlaydi. Unga istalgan domen yoki qurilmadan turib soʻrov yuborasiz - u yuborilgan soʻrovdagi xatolarni aniqlab, javob qaytaradi. https://savo dxon.uz /api/check
APIga yuborilgan soʻrovda tekshirilmoqchi boʻlgan soʻzlar massivi JSON formatta boʻlishi lozim:
var words2check = ["imlo", "qoidalariga", "amal", "qlamiz"];
var words2check = JSON.stringify(words2check);
Server bu soʻrovga JSON formatida quyidagicha javob qaytaradi:
{
success: true,
errors: true,
words: ["qlamiz"]
};
Javobning "words" bandida yuborilgan soʻzlar orasidan xato deb topilganlari keltiriladi. Mana shu massivdan foydalanib, matnda aniqlangan xatolarni ajratib (masalan, qizilga boʻyab) koʻrsatish mumkin.
API yordamida oʻz saytida yaratilayotgan kontentni tekshirmoqchi boʻlgan dasturchilar oʻz domenlari uchun API kaliti olishlari lozim. Serverga har bir soʻrov API kaliti bilan yuborilishi kerak. Domen uchun API kalitni quyidagi sahifada olish mumkin: https://savo dxon.uz /api.html
APIga soʻrov yuborib, javob olishga misol quyidagi gitda keltirilgan: https://gith ub.com /juraevuz /savodxonA PI
API yordamida bugun eng koʻp qoʻllanilayotgan HTML tahrir vositalari (TinyMCE, CKEditor va boshqalar) uchun plaginlar yaratish va Joomla/Wordpress kabi CMSlarda oʻzbek tilidagi matnni imlo xatolariga tekshirish imkonini yaratish mumkin.
Onlayn 110 (0/110)
Forumga a'zo bo'lish
Forumdan qidirish
Bosh sahifa