So'ngi bloglar | Bo'limlar | Qidirish | Blog yozish

Ўзингизда куч топиб, соғлом овқатланиш, спорт билан шуғулланишни бошлай олмаяпсизми? Бугун уйқу вақтида бир неча килограммдан халос бўлиш усуллари ҳақида сўз юритамиз.
Фото: Unsplash
Шакар-кефирли аралашма
Бундай оддий рецепт бир неча килограммдан халос бўлишда ёрдам беради. Уйқудан олдин икки стакан шакар қўшилган кефир ичиш керак. Ичимликни ўзлаштиришга ундаги қувватга қараганда кўпроқ қувват сарфланади.
Гуруч
Агар туз ишқибози бўлсангиз, организмингиз кўп миқдорда суюқлик тўплайди. Бу эса шишлар, ортиқча сантиметр ва килограммга олиб келади.
Гуруч бу ҳолатда яхши самара беради. Тозаланмаган навларни афзал билган маъқул. Кечки овқат ўрнига қайнатилган тузсиз гуручни истеъмол қилинг. У тўқималардаги суюқликни ўзига сингдириб, ичакларни тозалайди.
Ана шундай гуручни кун бўйи истеъмол қилиш янада кўпроқ самара беради. Муҳими - бу таомга тузли зираворлар ҳам, туз ҳам қўшиш керак эмаслигини ёдда тутиш.
Лавлагили салат
Қайнатилган лавлагини қирғичдан ўтказинг ва салатга бироз зайтун мойини қўшинг. Таъмни яхшилаш учун лимон шарбатини қўшиш мумкин. Кечки овқат ўрнига ана шу салатни истеъмол қилинг. Ичимлик ўрнига фақат сув ичинг.
Лавлаги таркибида катта миқдорда клетчатка бор. У тўқлик ҳиссини узоқ вақт давомида сақлайди. Бундан ташқари, сабзавот ичакларни аъло даражада тозалайди. Вазнингиз камаяди, бундан ташқари, очлик сизни безовта қилмайди.
Тузли ванна
Бир кечада вазнни камайтиришнинг яна бир қизиқарли усули – кечки овқатни туз солинган тинчлантирувчи ваннага алмаштириш. Сувда бор-йўғи 15-20 дақиқа ётиш кифоя, ундан кейин эса ухлашингиз мумкин. Сувга эфир мойи, масалан лаванда қўшишингиз мумкин. Бу тинчланиш ва ухлашга ёрдам беради.

Yaratilgan vaqt: 25 May 2019, 15:41
Muallif: @RM_FANAT (28)
Raxmat aytishgan: 0 kishi
Fikrlar: 0 ta
Ko'rilgan: 4 marta
Shikoyatim bor