So'ngi bloglar | Bo'limlar | Qidirish | Blog yozish

Yoki allaqachon biror kursi sohibimisiz? Nima bo‘lganda ham, rahbar uchun, birinchi navbatda, etakchilik xususiyati zarur. Quyidagi test aynan etakchilik qobiliyatingizni baholashga mo‘ljallangan. 1 Odamlar bilan muloqotda bo‘lish yoqadimi? a) Ha; b) Yo‘q. 2 Hamkasblaringiz bilan biror masalani muhokama qilganingizda ular fikrini oson o‘zgartira olasizmi? a) Ha; b) Yo‘q. 3 Atrofdagilarning maqtovlariga uchmay, ularni oson chetlab o‘ta olasizmi? a) Ha; b) Yo‘q. 4 Uydagi muammolarni ishxonaga ko‘tarib kelmaslikka harakat qilasizmi? a) Ha; b) Yo‘q. 5 Sizning fikringizcha, rejalashtirish qiziqarli va maroqli ishmi? a) Ha; b) Yo‘q. 6 Shiddat bilan yopirilib kelgan hissiyotlarni jilovlash siz uchun qiyin ishmi? a) Yo‘q; b) Ha. 7 Prinsiplarga kelganda qat’iyat va matonatni saqlab tura olasizmi? a) Ha; b) Yo‘q. 8 Siz bilan bemaslahat amalga oshirilayotgan biror g‘oyani qo‘llab-quvvatlamaysizmi? a) Yo‘q; b) Ha. 9 Agar biror muammoni echishga juda kam vaqt berilgan bo‘lsa, odatda, siz o‘sha qisqa vaqtni ham behuda sarflab yuborasizmi? a) Yo‘q; b) Ha. 10 Siz har doim yangi bilimlar olishga harakat qilib, o‘zingizni takomillashtirib borasizmi? a) Ha; b) Yo‘q. 11 «Bugungi ishni ertaga qoldirma» shioriga har doim amal qilib borasizmi? a) Ha; b) Yo‘q. 12 Biror narsadan qo‘rqsangiz, undan qochishga emas, qo‘rquvni engishga harakat qilasizmi? a) Ha; b) Yo‘q. 13 O‘zingizni g‘oyalar ishlab chiqaruvchi generator deb hisoblay olasizmi? a) Ha; b) Yo‘q. 14 Biror muhim ishni muvaffaqiyat bilan yakunlashning o‘zi siz uchun katta rag‘batmi? a) Ha; b) Yo‘q. 15 Vazifalarni odamlar o‘rtasida taqsimlash sizga katta qiyinchilik tug‘dirmaydimi? a) Ha; b) Yo‘q. 16 Har qanday vaziyatda, va’da berdingizmi — bajarasiz. a) Ha; b) Yo‘q. 17 Odamlarda ishonch uyg‘ota olish qobiliyatingizni yuqori baholaysizmi? a) Ha; b) Yo‘q. 18 Qarshingizda qiyin vazifa turganda uni qilmaslik uchun vaj izlamay, bajarishga kirishasizmi? a) Ha; b) Yo‘q. 19 Dunyo yangiliklaridan xabardor bo‘lib borasizmi? a) Ha; b) Yo‘q. 20 Tavakkal qilayotganda ham aqlga suyanasizmi? a) Ha; b) Yo‘q. Ballaringizni hisoblang va natija bilan tanishing. «a» harfi ostidagi javoblar 0 ballga, «b» harfi ostidagi javoblar esa 2 ballga teng. 0–10 ball. Siz faol, ishonchli va maqsadi sari tinimsiz harakat qilishga tayyor odamsiz. Bundan tashqari, mas’uliyatli va kirishimlisiz. Bir so‘z bilan aytganda, rahbar bo‘lish uchun kerakli barcha sifat sizda mujassam. 12–24 ball. Tezkorlik bilan to‘g‘ri qaror qabul qilish, o‘z fikrida sobitlik, o‘rni kelganda tavakkal qila olish, eng muhimi, boshqalar uchun javobgarlikni elkaga olish — oson ish emas. Fikrimizga qo‘shilsangiz kerak. Qani, endi javob bering: siz bularning barchasiga tayyormisiz? Agar ikkilanmay, «ha», desangiz, demak, odamlarni boshqarish xususiyati sizda bor. To‘g‘ri, hech kim rahbarlik kursisi bilan tug‘ilmaydi. Bor salohiyatingizni ishga solsangiz, uddalaysiz. 26–40 ball. Ko‘rinib turibdi, boshqaruv siz uchun emas. Yaxshisi, berilgan topshiriqni chin ko‘ngildan ado eting. Agar biror tashkilotga asos solish niyatingiz bo‘lsa, bu ishni ishonchli hamkor bilan birga boshlang.

Yaratilgan vaqt: 6 Sep 2018, 20:35
Muallif: @Nodirali (46)
Raxmat aytishgan: 0 kishi
Fikrlar: 0 ta
Ko'rilgan: 10 marta
Shikoyatim bor