Bloglar | Texnologik xabarlar | Smartfon suvga tushib ketsa...
Havotir olmang devays qayta ishlab ketishiga umid qilsa bo'ladi.
Ikkita usuli bor, ular gadjetingiz suvga tushib ketdimi yoki piva, vino va boshqa suyuqlik to'kilib ketdimi, shunga qarab qo'llaniladi.
1. Darhol smartfonni o'chiring! Telefoningiz suvga tushib ketsa yoki ho'l qilib qo'ysangiz birinchi qiladigan ishingiz gadjetni o'chirish va batareyani chiqarib olish bo'lsin. Odatda, Samsung Galaxy telefonlarining ko'pchiligida batareyasi olinadi.
Agar qo'lingizda ayfon, HTC one yoki boshqa qurilma bo'lsa-chi (ularning batareyasi olinmaydi)?. O' holda o'chirish tugmasini bosib, besh soniyacha ushlab turing va shu yo'l bilan qurilmani o'chiring. Juda qattiq va uzoq qismang. Agar shunday qilsangiz qurilmangiz o'chiriladi va qayta yoqilib ketadi, bu esa xavfli.
2. Qurilmangiz butunlay o'chirilgandan keyin uni qismlarga ajrating. Xo'sh, echiladigan qismlar nimalardan iborat: SIM-karta; SD karta; orqa qopqoq; batareya; istalgan aksessuar, masalan, g'ilof.
3. Gadjet ekranini yuqoriga qaratib qo'ying va shu holda ushlab turing. Bu jarayon telefoningiz (qayta jonlanguncha) reinkarnasiya bo'lgunicha davom etadi.
Ishni gravitasiyaning o'zi siz uchun bajaradi va smartfon ustidagi namni tortib oladi. Baribir yana bir tekshirib qo'ying, telefoningiz butunlay o'chganmi (chunki har narsa bo'lishi mumkin-da, ehtimol tugmani bosgansizu lekin u ishlamagandir).
3.1. Agar boshqa suyuq narsaga tushirib yuborgan bo'lsangiz yoki qurilmaga shirin suyuqlik to'kilgan bo'lsa, u holda telefonning ichiga hech narsa yopishib qolmaganmi, shuni tekshiring agar bor bo'lsa tozalashga harakat qiling. Tozalashga 99 foizli spirt ishlating, aynan, 99 foizli spirt, bu juda muhim.
5-10 soniya botirib turing. Qo'rqib ketdingizmi? Boshqa yo'li yo'qda, chunki gadjet yopishqoq yoki shakarga to'la, bu ahvolda u ishlashi qiyin yoki butunlay ishdan chiqadi. Shunga ham e'tibor berishingiz lozimki, spirt gadjet ichidagi elimlarni ham biroz eritishi mumkin. Agar uyda 99 foizli spirt bo'lmasa imkon qadar tezroq yaqin oradagi elektronika do'konlari yoki dorixonalardan sotib oling.
4. Qog'oz sochiq yoki salfetka bilan gadjetni quriguncha artib chiqing. Shuningdek, qog'oz sochiqqa gadjetni o'rab qo'yishingiz, va mahkam ushlab yuqoridan pastga silkitishingiz ham mumkin. Tushgan tomchi tezda qog'ozga singib ketadi.
5. Namni tezda so'rib oladigan narsalardan foydalaning. Buning uchun ikkita absorbent kerak bo'ladi, bular: Silikagel – ancha samarali. guruch – u ham bo'ladi, biroq unchalik emas. Gadjetni absorbentga ko'mib qo'yish kerak.
6. Absorbent agentlar bilan qurilmangizni germetik konteynerga solib. Buning uchun absorbent agentni yoki guruchni tayyorlab qo'ying. Keyin havo o'tkazmaydigan konteynerni oling va gadjetning o'zini soling. Esda saqlang, nam yutuvchi agent qurilmaning hamma tomonini to'ldirib turishi kerak, keyin konteynerni mahkam yoping.
7. 48 soat kuting. Ha, aynan ikki kun, albatta, bu juda uzoq, lekin gadjetingizga yordam bermoqchi bo'lsangiz shunday qilasiz-da (ayniqsa, qurilmangiz arzon bo'lmasa). Ushbu muddatdan oldin gadjetni aslo yoqmang. Qisqa tutashuv yuz berishi mumkin. Esda saqlang: shu vaqt orasida telefoningiz ekrani doimo tepaga qarab turgan bo'lishi kerak!
Konteynerni mahkam yopganingizdan keyin, uni quriq va qorong'u joyga qo'ydingiz, endi 48 soatda gadjet qayta jonlanishi va avvalgidek benuqson ishlab ketishiga ishoning.
Ma'lumotlar
Yaratilgan vaqt: 21 Nov 2018, 02:10
Muallif: @Hosting (14)
Raxmat aytishgan: 0 kishi
Fikrlar: 0 ta
Ko'rilgan: 4 marta
Shikoyatim bor
Blog bilan bo'lishish
Яндекс.Метрика UzMasterS.Ru